السلام عليكم ورحمة الله >!<
خلاص أبرحل .. ياهواي !
برمي تعب جرحي ... وراي !
مدام إنتي مو معي ..
يكفيني إن [ الله ... معاي ]
بروح أدور لي .. دوى !
عن شي يسمونه .. " هوى " !
ماعاد أنا أنطق " إرجعي " ..
ياحلوتي .. " مالك لوى " !
صحيح ..
قبل ارحل واروح !
باقي لك شوية جروح !!
" مسامحك " !
لو تسمعي من خلّك الصب السموح !
برحل ولاكني .. هِنا !
وبطوي مع دروبي ... العنا ..!
بحاول انسى كل شي !
وأنسى أنا !
منهو أنا !
:
:
أنـت يـوم ٍ غبـت ,,
أذّانـي . . . عليـكـ !
. . " ـقلبي " . .
اللي صار . . من حبكـ .. أذآآآي !
ياخـي والله بـ[ مــاي ] عيـنـي مشتـريـك
هـذا .. إذا باقى بعد ... بالعين .. ماااااي !
:
:
تـعــالـ.../..
اسـكــن مـسـاحـات الـخـفـوق .. وودع الـتـرحــال
تـعــالـ.../..
اشعل كلام الحـب .. واخمـد ثـورة سكاتـي
تـعــالـ.../..
وقبل ( كيف الحـال ) .. ناظـر .. هـو بقـى بـي حـال
تـعــالـ.../..
وقبـل ( سمعنـي جديـدك ) .. أسمـع آهاتـي
تـعــالـ.../..
وشـيــل مـــن بـالــي اهــجــوس ٍ كـنـهــن جــبــال.
.
تعبـت اخضـع لهـذا الانهـزام . . ونكـس رايـاتـي !!
تـعــالـ.../..
وشــوف ( نـهّـام الحـنـايـا ) واسـمــع ( الـيـامـال )
حزين ٍ مثـل . . / . .
دمعـات اليتامـي . . لانكساراتـي ,,
لــك الله . .
مابـقـى جـــرح ٍ بـروحــي [ مـانــزف أو ســـال ]
لك الله . .
مابقـى هـم ٍ اعرفـه ... ماملـى اوقاتـي
أجـي لــك ممتـطـي صـهـوة احـروفـي . . شـاعـر ٍ خـيّـال
أبوصـل للعيـون اللـي .. مساهـا
. . لملـم شتـاتـي . .
علـى جـال التعـب .. أرمـي جراحـي .. واحسـب الآمـال
ولالـي لالبـس ... هالليـل ثوبـه
. . غـيـر ونـاتـي !! . .
وش أقسـى مـن الـذبـول الـلـي تشـوفـه
. . لابـكـى رجّــال . . ! !
وش آخر هالأفول اللي أشـوف .. بكـل نجماتـي ؟
دخيلكـ . .
هاتي لي [ قلب ]
ومعه [ صبر ]
ومعاهم . . [ بــآل ]
دخيلكـ . .
حس بجروحي .. [ أما تُبكيك أنّاتي ] !!!
دخيلكـ . .
اطـعــن غـيـابـك .. تـعـبـت احـايـلـك .. واحـتــال
دخيلكـ . .
ملنـي هـذا الطريـق ... ومــل جيـاتـي
. . . .
عشقـتكـ . . /
مـثـل مايعـشـق شـعـوري .. ضـحـكـة الأطـفــال
عشقـتكـ . . /
مثل مايعشق طموحـي ... لمـس غاياتـي
عشقـتكـ . . /
مـثـل ماتعـشـق جـروحـي .. صـرخــة الـمــوال
عشقـتكـ . . /
مثـل ماتعشـق عيونـي .. حبـس دمعاتـي
عشقـتكـ . . /
مـثـل مايـعـشـق غـــرورك .. رغـبــة الإهـمــال
عشقـتكـ . . /
مثـل مايعشـق خفوقـي .. سجنـك بذاتـي
أنـــا بـصـبـر .. مـــدام لـكــل عـقــده .. فـالـزمـن حـــلاّل
واذا اني مـت ياآخـر طموحـي .. عيـش فابياتـي !!
:
:
أسمحولي ..!!؟
قربت " لحظة . . ذبولي . . !! "
مافهمتوا ..
وش أبي ..!؟
طفل واحساسه
" . . غبي . . !! "
يبحث عن عشق ٍ بطولي . . !!
:
:
أمانه ياطهر هذا الفضاء الرحب .. قولي لي !!
أنا ياكيف لارحتي ../ أسامرها ..... تعاليلي ..؟!!
أنا ياكيف لاغبتي ../ أحايلها ....... مناديلي ..؟!!
أمانه بس . . / . . تعالي لي . .
ومدّي لي . ./ . . دفا يدك . .
أبتنفس شذا .. خدك ...
يا " ست الحسن " ... من قدك ..!؟؟
أنا للحين أبكيني !!
وخايف يوم ...
أرثيني ..!!
كيف لارحتي أطالع بالهدايا !!؟
والزوايا .. !!
تنده المنحوس هذا ..!؟؟
والمرايا ..
تحترق ليه ؟ ولماذا ..!؟؟
وكيف ابقوى الإنتظار .............؟
.
.
إنتظار ..!!؟
.
.
يعني شنهو .. إنتظار ..!؟
كلمه تجمع من خليط المفردات البؤس كله ...!!
كلمة تعني ..
إحتضار ..
وإنهيار ..
وإنكسار ..
و [ كل لحظاته . . مرار . . ]
:
:
الملم مابقالي .. من أحاسيس .. وأجي مكسور !
وحيد .. ولاعلى بالي سوى .. " إنسان".. ناسيني !
واطيح ! وتنفتح من باب هالظلما / طيوف النور !!
واناديني . . " أنا ويني " . . ويرجع لي الصدى " ويني " !؟
ثلاث سنين من عتمة " ظلامك " .. ياضيا الديجور !
يموتك حلم ! وتموتك ... سحايب من ورى ... عيني !
واجي فيني ثلاث / اربع أغاني صاغها عصفور !!
نثرها للغمام .. إللي تهجّا رحلته ............. فيني !
واتمتم " هي هنا كانت " وينبت للحنين ... شعور !
واتمتم " ليت ماكانت " .... واضيع !... ولا ألاقيني
وادورني ورى جرحي ! وتنبت في حشاي قبور !
واكفن " عورة " همومي .. وادور منهو يرثيني !
هِنا كان المسا بارد/ حزين / ومكتئب / مقهور !
هِنا وإلا هِنا وإلا هنيّا ........ صرت ... ماابيني !
انا ماطحت من عين " المواجع " يوم انا مكسور !
أنا من كثر مافيني " مواجع " طحت من عيني !
طحت من عيني !!
:
:
لو ظميتك أشربك واظماك أكثر
وإن فقدتك . .
أتبعثر. .
وأتبعثر . .
وأأأتـ.ـبـ.ـ.ع.ـثـر
تذكرين وإلا نسيتي . . !!
يابعد حيي وميتي
يوم أشرتي على قلبي وقلتي لي ...سؤال ؟؟
[ هذا بيتي ] ....؟؟ !!
يومها غنيت للصبح
. . " الأغاني " . .
يومها زفيت للشوق
. . " الأماني " . .
تذكرين . . !!
يوم جيتي تسألين
عن طفل يسكن ضلوعي
كيف حاله . . ؟
وش جراله . . ؟
وانا جاوبتك . . " حزين " . . !
[ في بعادك ]
لملمه ذاك الشتات
حي لكن أغلبه
يابنت . . ماااات !!
تذكرين المزهريه !؟
يوم جبتيها ...هديه !؟
وأنتي قلتي :
" ياحبيبي هذي لك ..بس أنت ليّ " !
واذكر إني بلا شعور
قلت
واشواقي تفور
أعطني حريتي ..(( بس )).. لاتطلق يديّه !!
:
:
يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!
يمه بدري .. والله بدري ! . . " آتهجّاها اهمومي ! " . .
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !
طفلتك ماعاشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطوله !
............. وازفرت .. ونّه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
فيه شي ٍ لو قدرت إني ....... أقوله !
............ كان شفت الناس ... حبّت ناسها !
يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خذيني معك ..
بس اشوفك .. واسمعك !
ودي لو أقتل بصدري هالسؤال :
.
.
يمه وينك !!؟
:
:
وتـرحـل ؛؛ صـرختي تـذبل . .
فـي وادي ؛؛ لاصـدى يـوصل . .
ولابـــاقـــي أنـــيــن . .
[ زمـــــان الــصــمـت ! ]
يـاعـمر الـحـزن والـشكوى . .
يـاخـطوه مـاغـدت تـقـوى . .
عـلى الـخطوه ؛؛ على هم السنين . .
حبيبي . . / . .
كتبت اسمك على صوتي . .
كـتـبته فــي جـدار الـوقت . .
عـلـى لــون الـسما الـهادي . .
عـــلـــى الـــــوادي . .
عـلـى مـوتـي ؛؛ ومـيـلادي . .
حـبيبي . . / . .
لـو أيـادي الصمت . .
خـذتـني ؛؛ لـو مـلتني لـيل . .
أنـاعـمري ؛؛انـتـظاري لـك . .
لاتـحـرمنى ؛؛ حـيـاتي لــك . .
:
:
لا جيت أنا بــ / "سامحك " ..
تبكي الجراح ما ودها .. !!
مشتاق ودي أصافحك..
. . " عيت يدي لا مدها ". .
آهـ يا لجراح . . / . . راح اللي راح . .
. . " وراحتي " . . من يا ترى بيردها . . ؟ !
يا حــب . . / . . يا ذكرى واسمـ . .
مدري انا ابكي عليك . . من . . " العذاب " . . أو ابتسم . . !
. . [ صدقني ] . .
في يأسي . . / . . نفسي " تبي " نفسي تبيك . .
لا يا دفا شمسي . . " تبيك ". .
ليه خنتني . . الله عليك . . !!
لا تحاكي عيوني . . يمطر سحاب الملح . .
ولا تلمس أشجوني . . ينبت في قلبي جرح . .
ناظرني يا خلي . . جرح انا كلي . .
وشلون بـ . . / . . ارضى الصلح . . ؟!
فصل الخريف حبي . . " حزن وورق أصفر " . .
ودعني يا قلبي . . وخل العذاب أقصر . .
.
.
.
وراحتي . . من يا ترى بيردها ..؟!
:
:
. . " ح ـسايف " . .
التفت ...
وتوها ... توها ما اخـتفت ...
ماكساها الليل ... باللون الـ.حزين ...
التفت ... وتعالت صرخته ... !!
[ في نظرته ] ..
صاح ... لكن بالنظر ...
" وانكسر " .. شوفه " عثر "...
. . " ح ـسايف " . .
.. تذبل الضحكه وهى بين الشفايف .. !!
تذبل الفرحه وتضيع ...
ويصبح الكون الوســــيـــع ...
[ مايكفي خطوتين .. !! ]
لاكساه الليل . . " بااللون الحزين " . .
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا .. وعمرها ...
ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت ... !!
مثل ذاك اليوم ..
.
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين
اختفت في الطريق اللي معه ...
كانت تجيه ...
كيف دربٍ جمعه معها ... خذاهـ ...
[ ليتها اختارت سواهـ ... ]
تزرع الفرقا لياليها ... عليه ...
و ح ـسايف ... ح ـسايف ...
الأحد أغسطس 19, 2007 9:27 am
